საქართველოს კათოლიკოს-პატრიარქის სამძიმრის წერილი
2020-10-08
საქართველოს იეზიდთა სასულიერო საბჭოს თავმჯდომარეს,
საქართველოს ახტიარს, ფირ დიმიტრი ფირბარის
მიიღეთ ჩვენი სამძიმარი მსოფლიო იეზიდთა სულიერი წინამძღოლის, ბაბა შეიხი ხატოს გარდაცვალებასთან დაკავშირებით. რამდენიმე წლის წინ, როდესაც სხვა თანმხლებ პირებთან ერთად იგი საქართველოში იმყოფებოდა, საპატრიარქოშიც მობრძანდა და გაიმართა გულთბილი შეხვედრა. ეს დღე მუდამ გვემახსოვრება.
მრავალ განსაცდელ გამოვლილ, რთულ გეოპოლიტიკურ გარემოში მცხოვრები თქვენი ერისთვის ბაბა შეიხ ხატოს გარდაცვალება დიდი ტკივილია; ბუნებრივია, დიდი ტკივილია იგი საქართველოში მცხოვრები იეზიდებისთვისაც.
კიდევ ერთხელ გამოვთქვამთ ჩვენს მწუხარებას და ყველას, ვისთვისაც ახლობელი იყო ეს დიდი პიროვნება, თანადგომას ვუცხადებთ.
პატივისცემით,
ილია II
სრულიად საქართველოს კათოლიკოს-პატრიარქი
04.10.2020
|
