ეზიდური რელიგიის შესახებ წიგნის პრეზენტაცია მწერალთა სახლში
2017-12-03
თბილისი (01.11.2017) – დღეს საქართველოს მწერალთა სახლში ეზიდური რელიგიის შესახებ წიგნის პრეზენტაცია ჩატარდა. ღონისძიებას ესწრებოდნენ თეოლოგები, რელიგიათმცოდნეები, რელიგიით და რელიგიური ლიტერატურით დაინტერესებული პირები. წიგნის მნიშვნელოვანი ნაწილი მოიცავს პოეტის და გამოცდილი მთარგმნელის დათო ბარბაქაძის თარგმნილ “ყავლებს”, ეზიდთა წმინდა საგალობლებს. თარგმანის ტექსტი ეზიდი სასულიერო პირის, დიმიტრი ფირბარის გაკეთებული ბწკარედიდან და მისი კონსულტაციით არის შესრულებული. წიგნში წარმოდგენილ ყავლებს წამძღვარებული აქვს დიმიტრი ფირბარის და ცნობილი რუსი თეოლოგის დიმიტრი შჩედროვიცკის წინასიტყვა. წიგნის რედაქტორია პროფ. ზურაბ კიკნაძე. წიგნი გამოიცა ეზიდი ბიზნესმენის ოთარ ოზმანოვის ფინანსური მხარდაჭერით. |
