ეზიდთა სასულიერო საბჭოს განცხადება სასაფლაოზე გასვლასთან დაკავშირებით
2020-06-03
საქართველოს ეზიდთა სასულიერო საბჭო
სახელითა მაღალი ღმერთისა!
ძვირფასო ძმებო და დებო!
წელს 18 ივნისს მიცვალბულთა ხსენების და სასაფლაოზე გასვლის დღეა. როგორც იცით, გლობალური პანდემიის პირობებში ხალხმრავალი შეკრებები აკრძალულია. ჩვენ მთავრობასთან კონსულტაციების შედეგად მიღებულია გადაწყვეტილება სასაფლაოზე გასვლასთან დაკავშირებით. მთავრობის წარმომადგენლებმა მოგვაწოდეს ეს რეკომენდაციები, რომელიც აუცილებლად უნდა დავიცვათ:
1. სასაფლაოზე გასვლა დაშვებულია მცირე დროით.
2. ყოველი ოჯახის სასაფლაოზე 4 კაცზე მეტის შეკრება არ შეიძლება.
3. უნდა დავიცვათ დისტანცია.
4. არ უნდა გაიშალოს სუფრები, საჭმელ-სასმელი.
გაფრთხილებთ, რომ რეკომენდაციების დარღვევის შემთხვევაში დამრღვევ პირებს ჯარიმა დაეკისრება!!!
ჩვენ ყოველთვის მოგიწოდებთ, რომ ჭირის სუფრა და ქელეხი უნდა იყოს მოკრძალებული და არ უნდა იქცეს საქეიფო ადგილად. უფალმა აცხონოს ჩვენი მიცვალებულების სულები და მიაგებოს მათ რაც მათ სახელზე სრულდება!
მოგიწოდებთ ყველას დავიცვათ ჩამოთვლილი რეკომენდაციები!
წმინდა ეზიდის ტაძარი
თბილისი
02.06.2020
|
