Georgian
Russian
Kurmanji
English

NEWS

ეპისკოპოს მალხაზ სონღულაშვილის სამძიმრის წერილი ეზიდურ თემს

2019-01-30

საქართველოსა და მთელი მსოფლიოს ეზიდებს,
ეზიდთა სასულიერო საბჭოს წევრებს საქართველოში,
მის მაღალღირსებას, ფირს - დიმიტრი ფირბარს

ძვირფასო მეგობრებო,

ამ წერილით მინდა ჩემი და ჩემი ხალხის სახელით სამძიმარი გითხრათ ეზიდთა მთავრის მირ თაჰსინ ბეგის გარდაცვალების გამო. ჩემთვის პატივი იყო ჯერ თავად მთავარს შევხვედროდი მისი საქართველოში ვიზიტის დროს, ხოლო შემდეგ გამეცნო მისი ვაჟები, ერთი ბერლინში (გერმანია) და მეორე შეიხანში (ერაყი).

86 წლის ასაკში ამ სოფლიდან მძიმე და ხანგრძლივი სნეულების შემდეგ წავიდა იმ ოჯახის მეთაური, რომელიც 700 წლის გამავლობაში უდგას სათავეში ეზიდ ხალხს.

თაჰსინ ბეგი თერთმეტი წლის ასაკში გახდა წინამძღოლი დედამიწაზე ერთ-ერთი ყველაზე დევნილი და მოწყვლადი ხალხისა, რომელიც საუკუნეების განმავლობაში სათუთად უფრთხილდება თავის უმშვენიერეს სარწმუნოებას, კულტურასა და ტრადიციებს. თაჰსინ ბეგისათვის არ იყო იოლი იმ თემის წინამძღოლობა, რომელიც გამუდემებით დევნასა და შევიწროვებას განიცდის. თავად მთავარმაც პირადად იწვნია დევნისა და ლტოლვილობის სიმწარე. ერთახნს იგი იძულებული იყო პოლიტიკური დევნის გამო, სამშობლოდან გაქცეულიყო და თავი ჯერ ირანისთვის, ხოლო შემდეგ დიდი ბრიტანეთისთვის შეეფარებინა. უკვე ღრმად მოხუცებული მთავარი დანარჩენ ეზიდებთან და მთელ მსოფლიოსთან ერთად მოწმე გახდა ეზიდი ხალხის გენოციდისა 2014 წელს. არფერი ისეთი დამთრგუნველი არ არის ადამიანისთვის და როგორც უმწეობის განცდა, როცა შენი ხალხი იტანჯება და შენ მისი შველა არ შეგიძლია.

ღმერთმა ნათელში ამყოფოს გარდაცვლილი მთავრის სული და ანუგეშოს მისი ოჯახისა და თემის დამწუხრებული წევრები. ღმერთმა დაიცვას და შეინახოს ეზიდი ხალხი თავისი მფარველი კალთის ქვეშ.

მეუფე მალხაზ სონღულაშვილი,
თბილელი მიტროპოლიტი
ევანგელურ ბაპტისტური ეკლესია

Previous Page 

Events and Holydays

2019 Y

    June    

Mon

Tue

Wed

Thu

Fri

Sat

Sun

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

18 June 2019

Recent news

 - 

The website was prepared by the Spiritual Council of Yezidis of Georgia, within the framework of the "Program of Tolerance, Civic Self-Awareness and Support for Integration" of the United Nations Association of Georgia and the United States Agency for International Development. The views and considerations expressed in the publication should not be taken as an official position of the United States Agency for International Development and the UN Association.